نبدا اولا بتحضير المرق في طنجرة نحط م ك زيت وم ك زبدة ونحط عليهم بصلة مقطعة وملح وورقة الرند ونحطهم على النار يتقلاو من بعد نضيف عليهم التوابل وكمشة الحمص ونقليهم جيدا ثم نمرق بالماء

بعد ذلك نحط صدر دجاج المرحي في صحن نضيف عليه سنات ثوم والملح والفلفل الاسود والتوابل ونخلط مليح وعلى جنب في مقلاة نحط م ك زيت ونحطها على نار ونضيف عليها ربطة السلق كي يتشرب كامل الماء تاعو نطفي عليه ونضيفو لخليط اللحم ونحط الزبدة ونخلط الكل جيدا

بعد ماخلطت جيدا نجيب صحن نحط فيه كمية من الفرينة ونحط جبن ابيض مقصوص قطع ونشكل عاليد قطعة من الخليط نبسطها ونحط عليها قطعة جبن ونغلق جيدا ونرمدها فالفرينة ونحطها على جنب

في مقلاة نحط الزيت ونبدا نقلي البولات تاعي فالزيت حتى يتحمرو جيدا

بعد ماتحمرو نحيهم من زيت نحطهم فوق ورق ماص ومن بعد نحطهم فكمية المرق ونقدمو فالاخير في صحن التقديم