طورطة الماسيدران
#شكل_وتفنن سلطة محبوبة عند الصغير والكبير بتزيين بسيط
إفتح في تطبيق كوكبادالخطوات
- 1
بسم الله نسلق الارز فالماء والملح حتى يطيب منبعد نزيد نفورو والى ما تحبش عادي يطيب مليح خلاص ونزيد نفور الخضر ونحضرو المايوناز سبق وحطيت الوصفة نتاع الملاعق بعد ما يبرد كلش نخلط كلش مع بعض ونجمع الخليط بالمايوناز انا درت قيس ما تلم فقط باش يأخذ الفورم نتاع القالب وزدت عليه 2 ملاعق كبار صوص نتاع السلاطة سبق وحطيتها ايضا
- 2
منبعد نغلف اي قالب تحبيه بكيس بلاسيكي ونحط الخليط فالقالب ونضغط عليه غير باش يتشكل مليح ونخطيه من فوق وندخلو الثلاجة يزيد يحكم روحو مليح مدة حتى تحبي تقدميه
- 3
بعد ما يبرد نقلبو في صحن التقديم وندهن الوجه بملعقة كبيرة من المايوناز ونخالف حبات الزيتون بين الاسود والاخضر وندير وردة بنصف حبة طماطم نقطعها شرائح رقيقة ومنبعد نفرقهم على بعض ونبدا ندور حتى نتحصل على وردة ونحطها فالوسط ونزيد على الجوانب الوردة ورقات من الكزبرة او المعدنوس وحبات من اللوبيا الخضرا ونزيد شوية خيار ساير داير على الطورطة تحبو تخلطو بين الجزر والخيار او الزاليقة وتقدم بالصحة والعافية
كلمات ذات صلة
وصفات مشابهة
وصفات ننصحك بمشاهدتها
التعليقات (4)