إفتح في تطبيق كوكبادالخطوات
- 1
نسلق كيس معكرونه اى نوع تفضليه و انا فى وصفتى سلقت معكرونه قلم
- 2
نصفر بصله على النار و ننزل بالفلفل الألوان و بعدين ننزل بالمشروم و اخيرا ننزل بالفراخ و تكون النار عاليه عشان نقفل المسام و اول تكه من تكات النجرسكو الزعتر و حطوا معلقه كبيره منه على النار و معاهم ملح و فلفل و اتفرجوا على الريحه و الطعم وهميه
- 3
تانى تكه بشاميل النجرسكو بيكون انسيابى و خفيييييف عباره عن معلقتين سمنه و معلقتين دقيق مليانين جدا و عليهم لتر و نص لبن و لو الوصفه لأربع أفراد يبقى لترين و فى وصفتى استخدمت لتر لبن و كملت بميه سليق المعكرونه و نبهر البشاميل بمعلقه صغيره من الزعتر بالإضافة للملح والفلفل
- 4
نجيب الفراخ و نقلبها مع المكرونه و ندهن قعر الصنيه بمسحه بشاميل و بعدين ننزل بالمعكرونه بالفراخ و على الوش الجبن و دى اخر تكه. النجرسكو جبن كتييييير جدا على الوش و لازم يكون نوعها حلو و الا مش هتبقى زى بتاعه المطاعم.
- 5
انا جربت انواع كتير زى الحمد و باندا و جرين لاند و كلهم مش حلوين لغايه ما لقيت واحده بتبيع جبن سورى و مصرى اون لاين فى محافظتى و جبت منها الموتزاريلا و المشلله السورى بجد وهم الجبن ناعمه جدا و بتمط جامد و طعمهم حلو اووووى و بحط رشه البهارات المطحونه على وش الجبن قبل ما ادخلها الفرن
الكوكسناب
وصفات مشابهة
وصفات ننصحك بمشاهدتها
التعليقات (2)