نبدا اولا بتحضير صلصلة الطماطم نحط في طنجرة بصلةمسكرفجة مع سنات ثوم ونحط م ك زيت ونحطهم يتقلاو ثم نضيف الملح ولتوابل والعكري والفلفل الاسود ونقليهم مليح بعد ذلك نضيف جزرة مبشورة و2حبات طماطم مسكرفجة ونقلي الكل ونضيف طماطم المصبرة

نروح نحضراللحم تاعي في صحن نحط صدر دجاج مرحي ونضيف عليه الملح والتوابل والفللفل الاسود والعكري والمعدنوس المقطع وحبة البيض ونخلط ثم نضيف الخبز المرحي ونخلط مليح ونخليه يرتاح

بعدذلك نجيب مول يدخل الفرن يفضل يكون كبير احسن نحط كمية من صلصة الطماطم من تحت ثم نجيب اللحم تاعي ونشكلو كرات ثم نثقبهم فالوسط ونحطها فوق المرق

نجيب البطاطا تاعي نضيفلها كمية من الحليب ونجيب بوش نحط فيها البطاطا ونعمل زهرات فوق كرات اللحم ونجيب كمية اخرى من المرق نحطها من فوق ونرش بالمعدنوس المقطع وندخلها الفرن تطيب ثم نشعل غليها من فوق باه تتحمر البطاطا تاعي ونخرجها ونخليها تبرد