في صحن نخفق الزبدة معا السكر حتا يبياض الخليط نضيف الزيت الفانيلا والخميرة ونجمع بالفرينة بلا ما نعجنها عجينة الصابلي متتجمعش

نحطوها نرتاح باش كي نحطوها فالقوالب ميبدلش شكلها

نحطو لحليب فوق النار حتا الغليان و في صحن اخر نخلطو البيضة معا سكر و المايزينة نحركو مليح حتان يبياض الخليط نكبو عليه نصف كيمة الحليب الغالي نحركو مليح و نقلبو كلش فالكسرونة تاعنا ونستمرو فالتحريك حتان تثقال معانا كريمة الحلواني نفيلميوها و نحطوها فالثلاجة حتان تبرد خلاص

نروحو نسوو العجينة فالقوالب تاعنا نثقبوها بشوكة و نحطوها طيب على ١٥٠ درجة حتان تتحمر وطيب

كي تبرد الكريمة تاعنا نخفقوها مليح بالباتور ونضيفولها الماسكربون او الكريمة المخفوقة راح يعطوها قوام و ذوق خفيف ورائع نحطوها في كيس حاواني ونعمرو قوالب تاعنا بعد ميكونو طابو وبردو اكيد نزينوهوم بالفراولة والناباج ونخلوهم يبردو ذوقهم هبال لا يقاوم ولي حبت تفهم الوصفة مليح تلقاها في قناتي على اليوتوب Queen kitchen tv