إفتح في تطبيق كوكبادالخطوات
- 1
بسم الله في وعاء ندير زيت وتوابل الشوارما فلفل اسود كركم ملح موطارد ونقطع صدر الدجاج إلى شرائح ونضيفهوم للخليط نضف كرام فراش حوالي نصف كأس تقدري ديري يوورت طبيعي ونخليها ساعة الى 3ساعات باه تتبلي مليح
- 2
العجينة في وعاء ندير الفرينة وزيت الملح الخميرة ونلمها بالماء انا داتلي كأس وربع ونتوما حسب الفرينة ونعجنها شوي ونحطها ترتاح 5دقائق ونحلها بالحلال و بشوي فرينة ونطيبها فطجين نتاع لحديد وكي نطيبها نديرها فمنديل باه متيبسش
- 3
نخدمو صوص فورماج كأس كرام فراش شوي شيدار فرماج شوي ملح فلفل اسود كي تغلي لكرام فراشنلوح الفرماج لزوج ونبقا نحرك حتى يذوبو ونحيها
- 4
نجيب نصف بصلة نقطعها مكعبات صغار ونملحها ونقليها فشوي زيت حتى تذبال البصل نلوح الشوارما فوق البصل ونخليه يتقلى وينشف وكي ينشف نحيه ونقطع البطاطا لأصابع ونملحها ونقليها
- 5
ونجيب خبز الترتيلا ودير شوي مايوناز ونزيد بطاطا ونزيد الشوارما ونزيد صوص الفرماج تجي بنينة بزاف🤤 ونغلق الحبة ونكمل باقي الحبات بنفس الطريقة هدي الكمية عطاتني 6 طاكوس والحشو جا ڨدڨد ومبعد نطيبهوم انا معنديش بانينوز حكمت طاجين تاع الحديد والحيد لفيه لحدايد نتاع الكوشة حطيتو فوق الطاجين وخليتو سخن وحطيتهوم وضخطت عليهم شوي حتى طابو وشهية طيبة🤤😍❤️
- 6
كلمات ذات صلة
وصفات مشابهة
وصفات ننصحك بمشاهدتها
التعليقات