بعد مامرت ساعتين نجيب العجينة تاعي نعجنها شويا ثم نعملها خربوش ونشكلها ل8كرات ونغطيهم ونخليهم يرتاحو

بعد ذلك نجيب النشاء ونيدا نحل بالكرية ونحط على جنب حتى نكمل 4كرات فوق بعض ونبدا نحل بالحلال الكرات حتى ترقاق مليح نجيب سينية فرن صغيرة ندهنها بالزبدة مليح ونبدا نحمل بالورقة ونحط فالسينية بين كل طبقة حتى نكمل 4طبقات

بعد ذلك نحضر الحشو تاغي بعد ماكنت رحيت الكاوكاو في جفنة نحط الكاوكاو ونضيفلو كيلة سكر عادي عطر اللوز ونخلط ثم نشمخو بماء الزهر ونخليه يرتاح قليلا ثم نفرغو مباشرة على العجينة تاغي ونسويه مليح ثم نكمل كامل الكرات الاربعة المتبقية بنفس الطريقة

لخطوة التالية نجيب طابع مربع ونقص بيه حبات البقلاوة تاعي ونجيب طابع صدفة ونقص صدفات ونزين حبات البقلاوة بكاوكاو ابيض ونخليها ترتاح

فالاخير ندهن سطح العجينة بالزبدة جيدا ثم ندخلها الفرن مسخنا مسبقا ونخليها تطيب من تخت حتى نشوفو الجوانب تحمرو نطفي عليها ونشعللها من فوق حتى تاخذ اللون الذهبي ونخرجها ومباشرة نجيب كيلو عسل ونشرب البقلاوة تاعي ونخليها ليلة كاملة