نحضر اولا صلصة الطماطم في طنجرة نحط حبات الطماطم مقصوصة ونحط عليهم التوابل والفلفل الاسود والعكري حار والملح ثم حبة البصل وسنات الثوم و م ك زيت وم ك طماطم مصبرة ةنحطها على النار تتقلى حتى تطيب الطماطم جيدا بعد ذلك نقوم برحيها ونتركه على جنب

الخطوة التالية نجيب قطع صدر دجاج يكونو جامدين ونجيب مبرشة ونبرش اللحم تاعي ثم نحطو في صحن نرش عليهم قليل من الملح والفلفل الاسود والتوابل ثم نحط مقلاة على النار نضع فيها القليل من الزيت ونحط اللحم تاعي يتقلى ونحركو من وقت لاخر حتى يطيب ثم نطفي عليه النار

بعد ذلك نجيب عجينة مورقة نقسمها الى اثنين نرش طاولة العمل بلفرينة ونحل الجزء الاول ثم نجيب سينية مربعة تدخل الفرن ندهنها بالزيت ونحمل الجزء الاول من العجينة ونحطو فالسينية ونسويه مليح ثم نفرغ كمية من الصلصة عليه ثم كمية اللحم ومن فوق نحط كمية من الجبن الطري وقطع من فلفل حلو من بعد نقص جبن شرائح ثم نحل الجزء الثاني من العجينة ونحطو فوق الحشو ونغلق مليح

بعد ذلك نقص العجينة تاعي مربعات وندهنها بصفار بيض ثم نرش معدنوس فوق كل الحبات وندخلها فرن مسخن مسبقا حتى تطيب من تحت ثم نشعللها تحمار من فوق ونخرجها ونخليها تبرد

فالاخير نقصها ونقدمها مع سلطة ومشروبات باردة