نضع الفرينة والملح والبيض والزيت وحليب مجفف ونلم مباشرة بمزيج الماء وماء الزهر نتحصل على عجينة تتلاصق في اليد ندلك العجينة حتى تصبح ناعمة ولاتلتصق في سطح العمل نشكل حربوش ثم كريات كما في الصورةونغطيهاونتركها ترتاح مدة نصف ساعة

في هذه الاثناء نحضر الحشوة 3كؤوس كاوكاو مع كاس سكر قرصة فانيلا او قرفة ليس ضروري ونلم نجمع الحشوة ب3ملاعق ك ماء زهر

من بعد نحل الكريات بالوحدة بستعمال النشاء نرش الكرية بنشاء ونبسطها ونستمر حتى ننهي الكريات كلها ونرش بينها النشاء نضع 6 طبقات من فوق و 6 من اسفل

نحل 6طبقات ونضعها في صينة الفرن تكون مدهونة بقليل من زيت ونضع الحشوة ونحل 6 طبقات ونضعها من فوق وندخلها المجمدة حتى تتماسك من بعد نخرجها ونقسمها ونزينها بحبات الكاوكاو ونفرغ عليها خليط ربع كاس زيت و2ملاعق مزقرين وندخلها الفرن وتكون النار هادئة جدا لمدة 2 ساعة ومن بعد نعسلها مباشرة بالعسل ونتركها على الاقل 4 ساعات او اكثر

ملاحظة قطر الصينية 30 سم ومتكتروش النشاء بزاف بين طبقات