अर्धी वाटी बाजरी पाण्याने धुवून अर्धा तास निथळत ठेवली. कोरडी झाल्यावर बाजरी खलबत्त्यात टरफलं निघतील अशा तर्हेने कुटून घेतली. अगदी पावडर करायची गरज नाही.
अर्धी वाटी मुगडाळ आणि १ वाटी तांदूळ स्वछ धुवून निथळत ठेवले. २ छोटे कांदे, १ टोमॅटो, २ हिरव्या तिखट मिरच्या, ४-५ लसूण पाकळ्या, अर्धी वाटी कोथिंबीर, अर्धा इंच आलं बारीक चिरून ठेवून दिले.

कुकर मध्ये तेल गरम करून त्यात मोहरी - जीरे - हिंग - हळद - कढीपत्त्याची फोडणी द्यायची. मिरच्या, आलं, लसूण परतून घ्यायचं. कांदा मऊसर होईपर्यंत तेलात परतायचा. टोमॅटो शिजेपर्यन्त ढवळून घ्यायचा. २ चमचे गोडा मसाला आणि २ चमचे मसाले भाताचा मसाला घालून तेल सुटेपर्यन्त परतून घ्यायचं.
मीठ आणि थोडी कोथिंबीर टाकून झाकण ठेवून द्यायचं. थोड्या वेळाने तेल सुटलेलं असेल. मग यात निथळलेले तांदूळ, मूग डाळ, बाजरी परतून घ्यायची.