بركوكش (عيش) ناس الشرق
وصفة غنية عن التعريف و تقليدية مشهورة في ولايات الشرق كاين لي يعملوها الحليب
وكاين لا و بركوكش يختلف كاين محمصة كبيرة و كاين هدا متوسط و كل واحد كيفاه يفور مثلا بركوكش معمول منزليا و يابس يختلف عن البركوكش الجديد و عن لي نشريه في طريقة تفوار و تبعوني نقلكم علة طريقة تفوار بركوكش منزلي يابس
بركوكش (عيش) ناس الشرق
وصفة غنية عن التعريف و تقليدية مشهورة في ولايات الشرق كاين لي يعملوها الحليب
وكاين لا و بركوكش يختلف كاين محمصة كبيرة و كاين هدا متوسط و كل واحد كيفاه يفور مثلا بركوكش معمول منزليا و يابس يختلف عن البركوكش الجديد و عن لي نشريه في طريقة تفوار و تبعوني نقلكم علة طريقة تفوار بركوكش منزلي يابس
إفتح في تطبيق كوكبادالخطوات
- 1
أول خطوة ننقع ڨديد فلماء سخون باه يروح الملح الزايد
- 2
نفرم البصل و ثوم ناعم و نحطهم فلبرمة مع دجاج و ملح و فلفل اسود و احمر و راس حانوت ملعقة زيت كبيرة نقلي المزيج مليح و نضيف طماطم و هريسة بعدها نضيف فنجان ماء و نخليهم يتقلو بعدها نحط القديد و نضيف كاس ماء و نضيف حمص و فول يابس نتركهم شوي و بعدها نمرق
- 3
بعد روحو للبركوكش يابس نحطوه يفور فلكسكاس و نغطيه و نقفل برمة مليح
- 4
بعد ميفور نحطوه و نغمروه بلماء سخون لازم سخون و نخليه حتى يشرب ماء كامل و يشيح
- 5
بعد ميشرب ماء نحطوه يفور مرة أخرى و نغطو كسكاس
- 6
بعد ميفور نهبطوه و نرشوه مليح بلماء و نرجعوه يفور
- 7
بعد ميفور نهبطوه و نحطولو ملح و منديروش ماء و رجعوه يفور المرة الاخيرة و في هادي اثناء نحط مع مرق البطاطا باه نطيب و بطاطا حمره نحتاج وقت موش مثل بيضة
- 8
في مرة الاخيرة الرابعة يكون فار البركوكش و كي تضوقوه تلقوه طايب و ميلصقش
- 9
نرجعو المرقة لي حطينا فيها بطاطا نحطو زوز قرون فلفل حار صغير و نخلوها حتى تخثار و طيب بطاطا
- 10
نحطو نص لتر حليب انا استعملت كونديا كاملة الدسم انتم ديرو الموجود عندكم نخلوها حتى تغلي على نار
- 11
روحو نطفو على المرقة نخلوها حتى تدفى شوي لازم متكونش تغلي نحركوها و نضيف لحليب
- 12
نحط بركوكش فاير فصحن و نصقيه بلمرق و يقدم بصحة و الهناء
كلمات ذات صلة
وصفات مشابهة
وصفات ننصحك بمشاهدتها
التعليقات (7)