نبدا اولا بتنظيف الشفلور وقصه الى وردات ونحطه في ماء ونضيف عليه ملح مع رشة فلفل اسود ورشة عكري حلو ونحطو عالنار يغلا حتى يطيب نصفيه في كسكاس ونخليه غلى جنب

الخطوة التالية نحضر المرق تاعي نجيب طنجرة نحط فيها قطع اللحم ونحط البصل والثوم المرحيين ونضيف المعدنوس وباقي التوابل ونضيف م ك زيت ونحطهم عالنار يتقلاو ثم نضيف الطماطم ونواصل التقلية ومن بعد نمرق ونخليه يطيب

ثالثا نحط الخلطة لي راح نحط فيها الشفلور نجيب صحن نحط فيه البيض ونخلط ثم نحط رشة ملح ورشة فلفل اسود ورشة عكري حلو ثم نحط م ك فرينة ونخلط مليح ثم نبدا نضيف الشابلير حتى نحصل على خليط. ثقيل نوعا ما ونبدا نحط وردات الشفلور فالخليط ونحطها مباشرة في مقلاة بها زيت ساخن

بعد ماقليت الشفلور نحطها على ورق ماص ثم نحط الشفلور المقلي في المرق ونخليه يغلي

فالاخير نطفي عليه ونقدمو في صحن التقديم