نجرسكو
يفضل النجرسكو يكون خفيف وسماكة البشاميل خفيفة بيكون ألذ كتير
إفتح في تطبيق كوكبادالخطوات
- 1
اول حاجة بعمل العصاج المكون من الفراخ بدبل بصلة مبشورة فالزيت او السمنة اول ماتبدأ تصفر بحط المشروم المقطع والفلفل الالوان والجزر المبشور والفلفل الاخضر واقلب
- 2
احط الفراخ النية بتاعتى المقطعة شرائح صغيره واقلب شوية واحط التوابل المكونة من فلفل اسود مطحون وبابريكا ورشة بهارات لحمة وثوم بودر واوطى عليها
- 3
الفراخ هتبدأ تنزل ميتها وتستوى فيها بتاخد تقرببا نص ساعة بالكتير تستوى هطفي عليها ممكن نتغاضى عن الخطوات السابقة كلها لو عندنا بواقي قطع فراخ من الغداء السابق او شاورما فراخ
- 4
بجهز البشاميل الخفيف ممكن يتعمل عالبارد اسهل خصوصا للناس اللى بيكلكع منها البشاميل بحط السمنة عادى فالحلة واحط الحليب البارد حوالى ٣ او ٤ اكواب حسب الكمية وادوب فيه ٣ ملاعق كبار دقيق منخول وافضل اقلب فيه لحد مايختفي النار تكون منخفضة استمر فالتقليب لان مع زيادة سخونية اللبن هيتقل البشاميل تدريجيا
- 5
ابدأ احط مكعب المرقة بتاعتى وانا مستمرة بالتقليب كذلك رشة الملح والفلفل الاسود ورشة زعتر ورشة بهار لحمة لحد ما سمك البشاميل يتقل اكتر تقريبا اطفي واضيف كريمة الطهى لو عندنا وشوية موزاريلا وشيدر مبشور وجبنة رومى مبشور او سليم هتسيح فالنهاية واضيف رشة ريحان او بارميزان او نعناع اخضر مجفف مبشور واغلف الحلة بعد ماتهدا ب استرتش فيلم عشان متعملش وش
- 6
اسلق المكرونة بالطريقة العادية مع مكعب مرقة واحط معلقتين تلاته بسشاميل في قاع الصينية وابدأ ارص نصف كمية المكرونة تحت فالصنية واحط العصاج بتاعنا اللى هى الفراخ وارتبها واوزعها كويس و وبعدين بقية المكرونه ثم البشاميل وارش رشة موزاريلا عالوش او مكس جبن مبشورة
- 7
تدخل فرن متوسط الحرارة لمدة نصف ساعة تقريبا لحد ماتحمر شوية مالجوانب ومن فوق او افتح عليها الشواية اخر خمس دقايق
وبالهنا
كلمات ذات صلة
وصفات مشابهة
وصفات ننصحك بمشاهدتها
التعليقات