نجيب حوالي 3 حبات متوسطة بطاطا نقطعهم مكعبات و نقليهم.
راس فلفل حلو + حبة بصل + صدر دجاج نقطعهم مكعبات و نحط مقلاة فيها شوي زيت نقلي فيها الدجاج نحطو في صحن ثم نذبل البصل و نزيد فوقو الفلفل حلو و نرابي حبة طماطم كبيرة ونضيفها فوق الفلفل و البصلة و نديرلهم القليل من الملح، فلفل أسود ، فلفل أحمر ، معدنوس نغطيهم و نخليهم يطيبو.

في صينية ندير البطاطاكطبقة أولى و نصب عليها القليل من الكريمة ونزيد طبقة الخضار (الفلفل والبصل و الطماطم).

للكريمة كأس من كريمة الطبخ + شوي فلفل أسود ، ملعقة كبيرة جبن طري نحطهم على النار حتى يذوب الجبن و نطفي عليهم.

نصب عليهم الكريمة و نزيد الدجاج ثم الكريمة و نرابي الجبن من فوق و نندخلهم للفرن نشعل من الأسفل 10 دقائق و من فوق حتى يحمر شوي و نخرجو.