نبدا اولا بتظيف الدجاجة مليح بالماء ونضيفلو الخل ونغسل و مليح ونحطو يقطر في كسكاس ومن بعد نحضر الماريناد تاعي نجيب كسرونة واسعة نحط فيها التوابل والملح والياؤورت والموطارد والزيت ونخلطو مليح

بعد ذلك نجيب الدجاجة تاعي نحطها على لوح تقطيع ونهز هذيك الجلدة تاع صدر الدجاج ونجيب سكين ونعمل خطوط كيما فالصورة ونجيب هذاك الخليط ونطلي الدجاجة تاعي مليح من داخل ومن برا ونحطها فالكسرونة ونخليها تبات ليلة كاملة

الخطوة التالية نرحغ للدجاجة تاعي ونجيب السوبيارة تاعي لي راه متوفرة عند اغلب ناس لكن مانطيبوش فيها ونرجع للدجاجة تاعي نربطها من رجليها مليح بخيط ونحكم بكيردون تاع اسنان الجنحين تاعها ونحطها داخل السوبيارة

نجيب ورق الطهي ونغطي مليح ثم السوبيارة ثم نحط ورق المنيوم ونرجع عليها لغلاق تاعها ونرجع للفرن تاعي نشعلو ونخليه يسخن مليح ونحط الدجاجة تاعي تطيب مدة 3سا ومن بعد نخرجها ونفرغ المرق منها وهيا نفرغها مباشرة في صحن التقديم

فلاخير نقدم دجاجة تاعي في صحن التقديم ونقدمها مع بطاطا فالفرن في نفس القدرة