نجيب حبة البطاطا نقشرها ونغسلها ونقسها دوائر ونقص المعدنوس ونجيب كسرونة نحط البطاطا فيها ونرش عليها فلفل اسود والملح ونخلطها مليح

بعد ماخلطتها مليح نقص المعدنوس وسنات الثوم ونخلط مليح ثم نجيب سوبيارة لي طيبت قبل فيها الدجاجة ونحط فيها شرائح البطاطا والمعدنوس ونحط الفلفل ثم نجيب كسرونة اخرى لي بقالي فيها الماريناد تاع الدجاج ونحط عليه م ك طماطم مصبرة ونضيف كاس صغير ماء ونفرغ هذاك الخليط على البطاطا

الخطوة التالية نحط شرائح الطماطم وثم الفلفل الحار ونخلط مليح ونغطيها بورق الطهي وورق الالمنيوم ونغلقها بغطاءها ونشعل الفرن ونخليها تطيب مدة ساعة

فالاخير قبل ماتطيب بربع ساعة نفتح عليها ونخليها تثقال ونقدمها في صحن التقديم ونقدمها مع الدجاجة تاعي