نبدأ اولا بتحضير العجينة في ريسبسيون نحط كاس ماء دافي مع نصف كاس زيت وم ك سكر وم ك خميرة الخبز والملح ونخلط مليح بالملعقة فقط ثم نبدأ نلم بالفرينة حتى نتحصل على عجينة طرية نوعاما نلمها

نلم العجينة ونخليها تختمر مدة نصف ساعة ونغطيها بورق شفاف بعد مرور نصف ساعة نشكلها الى كرات انا تحصلت على 6كرات

نبدأ فالمرحلة هذي حل الكرات ونرش الفرينة ونحلها رقيقة ونجيب الجبن ونقصو الى مورسوات ونحطو فالاطراف تاع العجينة ثم نغلق عليه مليح باصابع اليد وبعد ذلك نجيب صلصة طماطم نطلي بها الفراغ تاعي فوق نحط زيتون اسود ومعدنوس مقطع (الحشو اختياري ممكن نحط لحم مفروم وتونة حسب المتوفر) ونقطعها الجبن الى قطع صغيرة

ندهن حواف الخبة بصفار البيض وندخلها الفرن تطيب اي تستوي من تحت ثم نشعللها تتحمر من فوق والف صحة وعافية