نبدا اولا ببتبيل الدجاج بعد مانظفتو مليح نحطو في ريسيبسيوم ونحط عليه الياؤورت والعسل والملح وافلفل اسود وتوابل الدجاج وم ص راس الحانوت ونخلط الكل مليح وندخل فيه التتبيلة مليح

نغطي الدجاج تاعي وندخلو الثلاجة حوالي 4سا ونرجع نحضر البطاطا والبصل تاعي ونجيب قدرة لي تدخل الفرن نحط فيها م ك زيت

الخطوة التالية نخرج الدجاج تاعي من الثلاجة ونحطو فوق شرائح البصل ثم نحط البطاطا تاعي بعد ماخلطتها مليح في هذيك التتبيلة لي بقاتلي من الدجاج ثم نحط شرائح الطماطم ثم نحط نصف كاس ماء ونغلق بورق الطهي وورق الالمنيوم القدرة وندخلها الفرن تطيب حوالي ساعة ونصف

فالاخير نخرجها من الفرن بعد ماطابت ونفرغها في سينية ونرجعها الفرن نشعلو من فوق ونخلي الدجاج تاعي يتحمر مليح ثم نخرجو ونزينو بمعدنوس مقطع جاء طبق بنين بزاف نتمنا تجربوه