सर्वप्रथम इडली रवा एका भांड्यात काढावा इथे मी अर्धा किलो इडली रवा घेतला आहे आणि त्याचबरोबर अर्धा वाटी उडदाची डाळ आणि 1 टेबलस्पून मेथी दाणे

आता इडली रवा मध्ये साधारण 2 वाट्या पाणीघालून भिजत ठेवावे आणि उडीद डाळ मध्ये पाणी घालून भिजत ठेवावे. साधारण 5 तास भिजत ठेवावे. मी इथे रात्री भिजत ठेवले आहे.

त्यानंतर मिक्सरमध्ये इडली रवा आणि उडीद डाळ एकत्र करून बारीक करून घ्यावे. खूप जास्त पेस्ट करू नये. आता बारीक केलेले मिश्रण एका मोठ्या भांड्या मध्ये 4-5 तास ठेवावे. त्यानंतर या मिश्रणात चवीनुसार मीठ आणि 1/2 टेबलस्पून सोडा घालावे. तुम्ही इनो पण वापरू शकता. आता इडली पात्रा मध्ये सर्व बाजूने तेल लावून घ्यावे. आता 1 डाव घेऊन मिश्रण इटलीपात्रा मध्ये घालावे.

इडली स्टॅन्ड मध्ये आवश्यकते नुसार पाणी घालून गरम करावे आणि त्यानंतर इडली लावून साधारण 15 मिनिटे ठेवावे. आता आपली इडली तयार झाली.

चटणी साठी 1 नारळ फोडून त्याचे बारीक तुकडे करावे. त्याचबरोबर हिरव्या मिरचीचे आणि आल्याचे तुकडे करावे. कोथिंबीर धुवून घ्यावी. आता मिक्सरच्या भांड्यामध्ये खोबऱ्याचे तुकडे, डाळे, आल्याचे तुकडे, जीरे, साखर, मीठ आणि कोथिंबीर घालावी. आता त्यामध्ये 1 वाटी पाणी घालावे आवश्यकतेनुसार. आता मिक्सरला हे सर्व बारीक करून घ्यावे. आता आपली चटणी तयार झाली. आपल्या आवडीनुसार चटणीला पातळ किंवा घट्ट ठेवावे.

आता इडली चटणी बरोबर सर्व्ह करावी.