نبدا اولا بتحضير الحشو ونقطع البصل الى قطع صغيرة ونرحي الطماطم ونجيب مقلاة نحط فيها م ك زيت ونخطها عالنار ثم نحط البصل ونقليه مليح ثم نحط الملح والفلفل الاسود

نضيف القليل من الماء الساخن للبصل حتى يطيب مليح ونخليه ينشف تماما ثم نضيف لحم الدجاج المرحي ونحلو مليح

بعد ماطاب اللحم نضيف الطماطم المرحية وسنات الثوم ونقلي الكل مليح ثم نضيف العكري الحلو والطماطم المصبرة ونخليهم يطيبو مليح بعد ذلك نضيف زيتون اخضر مقطع ونطفي النار ونخلي الخليط يبرد تماما

نرجع نحضر العجينة تاعي ونجيب صحن زجاجي ونحط الحليب وم ك سكر وم ك خميرة الخبز ونخلطهم ونخليه يتفاعلو 5د ثم نضيف بياض بيضة ونخلط مليح ونبدا نضيف فالفرينة مع م ص ملح ونصف كيس خميرة الحلويات حتى نتخصل على عجينة

الخطوة الموالية نحطها على طاولة العمل ونجيب م ك زبدة ونحاول ندخل الزبدة مليخ فالعجينة تماما ونلمها ونرجعها فالصحن ونخليها تختمر

بعد ما اختمرت العجينة نحلها على طاولة العمل نرشها بالفرينة ونحلها رقيقة ونجيب مول دائري كبير ونقص الى دوائر ثم نجيب الحشو تاعي ونحط م ك في كل كرة ونحط جبن مبشور ونغلق الحبات تاعي ونجيب ورق طهي ونستف الحبات تاعي ونخليها تختمر مجددا

فالاخير ندهن الحبات بصفار البيض ونحط حبة زيتون اسود في كل ساندويشاة ونزينها بالسينوج وندخلها فرن مسخن مسبقا حتى تطيب من تحت ثم نشعللها من فوق

فالاخير قدمتهم مع حساء الخضار جاو بزااااف خفاف وبنان نتمنا تجربوهم