مكدوس على الطريقة الفلسطينية
اخدت الطريقة من ماما 😍
إفتح في تطبيق كوكبادالخطوات
- 1
بشيل رأس البادنجان(الاخضر)
و بشرحه بسكينه من النص
و بغسله منيح
و بتركه يوم كامل
- 2
اليوم الثاني بحط نص الطنجرة (حجم وسط) ماء و ملعقة كبيرة ملح و بس تغلي بحط الباذنجان فيها و بخليه ينسلق
لمدة (15 دقيقة)
- 3
بس ياخذ هاد اللون بطفي عنها و بخليه منقوع بنفس الماء لمدة نص ساعة
- 4
بصفي الباذنجان و بطلعه من الماء و بحطه ب سدر
و برش عليه 3 ملاعق كبار ملح
- 5
بعدها بفتح الباذنجان حبة حبة و بحط فيها شوية ملح (لاتخلص من مرار الباذنجان)
- 6
و بتركه 10 ساعات
و بعدها بحطه بمصفاية الرز و تحته طنجرة (لحتى يتصفى الباذنجان) - 7
بقشر الثوم و بهرسه منيح لحتى يصير ناعم
- 8
بقشر الجزر و ببرشه
- 9
بدق جوز القلب
بفرم شوية بقدونس فرم ناعم
- 10
بخلط الثوم و القدونس و جوز القلب و الجزر و الشطة
- 11
بضيف عليهم زيت زيتون و بقلبهم منيح
- 12
بمسك الباذنجان حبة حبة و بعصره للتأكد من اني اتخلص من اي ماء
و ببلش احشيه وبسكر الحبة و برتبه في مطربان
- 13
و هي الصور بس استوى
كلمات ذات صلة
وصفات مشابهة
وصفات ننصحك بمشاهدتها
التعليقات