نبدا اولا ونحضر العجين نكسر 4حبات بيض ونضيف عليهم الفاني وكاس سكر ونخلط مليح ثم تضيف كاس زيت ونخلط مليح

نبدا باضافة الفرينة تدريجيا مع 2كيس خميرة كيميائية حتى نتخصل على عجينة طرية نقسمها على اثنين الاولة نخليها بيضاء والثانية نضيفلها 2م ك كاكاو بني ونخلط مليح ونشكل 2كرات

نجيب ورقة طهي نقيسو على سينية الفرن ثم نحطو فوق طاولة العمل ونحط الكرة البيضاء وفوقها الكرة البنية ونبدا نحلها بالحلال على طول الورق

المرحلة الموالية نطوي بالورق العجينة على اثنين ثم نطويها كيما فالصورة ونرجع نحلها مرة اخرى بالحلال على شكل مستطيل

نجيب سينية الفرن ونحطه فوقها العجينة ونشعل الفرن مسبقا وندخلها تطيب من تحت ثم نشعللها من فوق تاخذ اللون الذهبي ونخرجها

مباشرة بعد ماخرجتها ندهنهابمعجون المشمش ونرشها بلوز ايفيلي او كاوكاو حسب الرغبة ونخليها تبرد تماما ونقصها نحي الاطراف الاربعة ونقص مربعات

فالاخير هذا شكل الحلوى تاعي جات خفيفة والطبقات جات باينة كأني طيبت طبقة فوق طبقة