نبدا بسم الله ونقطع حبة بطاطا ونحط عليها ماء ونحطها عالنار تغلي حتى تطيب ثم نرحي ربع صدردجاج ونقطع السلق تاعي نجيب صحن زجاجي نحط فيه البطاطا بعد ماطابت نرحيها باىشوكة مليح ثم نضيف عليها السلق واللحم لي رحيتو

بعد ذلك نحط الملح والراس الحانوت والعكري حلو والزنجبيل وافلفل الاسود ثم نكسر حبة بيض ونخلط مليح حتى يتلم ثم نضيف 3،م ك شابلير ونخلط مليخ ونخليها ترتاح

بعد مارتاحلي الخليط نوجد الطماطم تاعي ونرحيها ثم نبدا نشكل الصبيعات تاعي ونرمدهم فالفرينة

نجيب مقلاة فيها زيت ونخليه يغلي ونحط الصبيعات ونقصلهم النار حتى يتحمرو مليح من كامل الجوانب ونحطهم على ورق ماص

الخطوة التالية نجيب مقلاة نحط فيها م ك زيت ونحط سنات ثوم مقطعين شرائح ونضيف م ك طماطم مصبرة نقليها مليح ثم نضيف الطماطم حب مرحية والملح ونفس التوابل ااسابقة وكمية من المعدنوس نقليها مدة 5د ونضيف كاس ماء ونخلي الصلصة تطيب ثم نحط الصبيعات تاعي ونرش عليهم معدنوس مدة 5د ونطفي النار

فالاخير نقد م الصبيعات تاعي في صحن التقديم جاو بزاااااف بنان وطرييين