نبدأ على بركة الله، أولا نحضر قوالب التارت كنت 👈🏻حطيت الوصفة من قبل بالتفصيل يمكن تفقد الطريقة من خلال هذا الرابط👇🏻.

كي طابو حطيتهم فوق المشبك باش يبردو.

في هاذ الوقت نحضر كريمة الديبلومات، 👈🏻كنت حطيت الوصفة من قبل بالتفصيل يمكن تفقد الطريقة من خلال هذا الرابط👇🏻المرحلة الأولى نوجد كريمة الباتسيي، في كاسرونة نحط الحليب وحبة بيض والمايزينة والسكر الكل بارد في بارد نحطها فوق النار مع التحريك المتواصل حتى تعقاد، نطفي عليها ونزيد الزبدة ولفاني ونحرك مليح، ونصفيها، ونفرغها في غرفية ونغلفها بفيلم غذائي ملامس للكريمة باش ما ديرش القشرة ونخليها تبرد مليح في الثلاجة.

المرحلة الثانية نوجد كريمة الشانتي، نضرب نص كاس غبرة الشانتي وعلى نص كاس ماء بارد جداً نضرب حتى تولي كريمة عاقدة، نخلط كريمة الباتسيير مع كريمة الشانتي على 03 دفعات حتى نتحصل على كريمة تجي خفيفة وبنينة.
ملاحظة مهمة: ✔كريمة الديبلومات هي مزيج بين كريمة الباتسيير وكرية الشانتي.

نعمر الكريمة في جيب حلواني وندير بيه وردات في قوالب التارتولات ومن جهة أحرة نقطع الفواكه اللي عندي حسب الحاجة.

نحط أنصاص الفراولة بالطول فوق الكريمة وندهنهم بلاجولي باس يمدلهم لمعة.

أما باقي التارتولات نعمرهم بالكريمة ونزين بالفواكه كنت قطعتها على شكل دائري باش يجيو متناسقين وحتى هما دهنتهم بلاجولي (النباج).
التزيين يبقى حسب الرغبة والموجود.

وقدّمتهم بألف صحة وهنا😋👌🏻😋

العجينة تجي مقرمشة وبزاف بنينة 🥰😉🥰