نبدا بسم الله ونجيب ربع صدر دجاج ونرحيه ثم نضيف عليه الملح والفلفل الاسود والزنجبيل والمعدنوس المقطع وم ك ياؤورت طبيعي و2م ك شابلير ونخلط الكل مليح ونبدا نشكلها

نشكل الدجاج تاعي على شكل اصابع ونجيب مقلاة فيها م ك زبدة وم ك زيت ونحطها عالنار ثم نضيف اصابع الدجاج تتقلى على نار هادئة ونقلبها حتى تتحمر وتطيب مليح ثم نحيها ونحط في صحن على جنب

بعد ذلك نحضر الصوص تاع الزيتون تاعي ونحط في طنحرة بصلة وسنات ثوم مرحيين ومعدنوس مقطع ونحط الملح والفلفل الاسود وم ك زيت ونقليها مليح ثم نضيف كمية الزيتون الاخضر ونقلي الكل مليح ثم نمرق بالماء ونخليه يطيب مليح

فالاخير نفتح الطنحرة ونخلي المرق تاعي يثقال ثم نجيب صحن التقديم ونحط اصابع الدجاج المقليين ونفرغ عليهم الزيتون تاعي مع المرق ونزينها بمعدنوس مقطع