साबूदाणाआदल्या दिवशी पाणी घालुन भिजून ठेवावं. त्यानंतर दुसऱ्या दिवशी बाकीची तयारी करावी. बटाटे उकडून ठेवावे. दाण्याचा कूट करावा. आले मिरची चा ठेचा करावा. उकडलेला एक बटाट्याच्या फोडी कराव्या. आता गॅसवर कढई ठेवावी आणि 3 टेबलस्पून साजूक तूप घालून गरम करावे.

आता तूप गरम झाल्यावर त्यामध्ये जिऱ्याची फोडणी द्यावी. गॅस बारीक ठेवावा. त्यानंतर त्यामध्ये आले मिरची याचा ठेचा घालावा आणि थोडं परतून घ्यावे. आता त्यामध्ये साबुदाणा घालावा आणि चांगला परतून घ्यावा

आता दाण्याचा कूट घालावा, मीठ घालावे आणि चांगला मिक्स करावा. त्यानंतर लगेचच उकडलेला बटाटा घालावा आणि चांगले परतावे. आता एक चमचा साजूक तूप घालावे आणि चांगले परतून घ्यावे. आता त्यामध्ये सर्व बाजूंनी दूध घालावे आणि पाण्याचा ही हापक द्यावा आणि चांगले हलवून घ्यावे. त्यानंतर 1 मिनिटे झाकण ठेवावे अणि चांगली वाफ येऊ द्यावी.

आता त्यामध्ये परत 1 टेबलस्पून साजूक तूप घालावे आणि परत एकदा छान मिक्स करून परतून घ्यावे. आता आपली खिचडी तयार झाली. त्यावर सर्व बाजूंनी कोथिंबीर घालावी आणि चांगली मिक्स करावी. आता गॅस बंद करावा. आता गरम गरम प्लेटमध्ये खिचडी सर्व्ह करावी. त्यावर सर्व बाजूंनी खोबरे आणि थोडी कोथिंबीर घालावी.