بسم الله والصلاة والسلام على رسول الله
في جفنة ندير السميد والملح والخميرة وندير الزيت ونلم بالماء حتى نتحصل على عجينة متماسكة نشكلها كريات ونخليها تريح

نحضر التشكشوكة في مقلاة ندير شوية زيت وندير البصل يتقلى ونضيف الفلفل الأخضر الحلو وملعقة الطماطم المصبرة ونقلي ونضيف حبة الجزر المبشور والطماطم وندير الملح والتوابل ونقص على النار ونخليهم حتى الاستواء

نفتح الكرية فوق سطح العمل على شكل دائرة وندير شوية هريسة وندير الحشو ونغلق بكرية ثانية وندير الجوانب بالشوكة ونطيبها في طاجين يكون سخون من الجهتين وتقدم بالصحة والعافية