نبدا بسم الله ونحضر العجينة تاعي نجيب صحن نحط فيه الفرينة وم ص ملح وم ص خميرة الخبز وم ص سكر ثم نضيف 3م ك زيت و م ك زبدة ذايبة ونبسس مليح العجينة تاعي ثم ندفي الماء ونبدا نلم حتى نتحصل على عجينة ايبس من تاع البيتزا نلمها مليح ونغطيها ونخليها ترتاح مدة 15د

بعد مرور 15د نحبها على طاولة العمل مستطيلة ونقطع الزوائد ونقصها الى مستطيلات رقاق كيما في الصورة ونجيب لي مول تاع الكورني ونبدا نلف فالعجينة حتى نكمل ونغلق الكورني ونحطو فوق ورق الطهي في سينية تدخل الفرن

ندهن ليكورني بصفار البيض وندخلهم الفرن يكون سخون من قبل ونخليهم يطيبو من تحت ثم نشعللهم يتحمر من فوق ونخرجهم ونخليهم يبردو وننزعهم من ليكورني بسهولة

نحضر كريمة الجبن نجيب كسرونة نحط فيها كاس حليب وم ك نشاء ورشة ملح ورشة فلفل اسود ونحطها عالنار حتى تثقال

بعد ذلك نحيها من النار ونضيفلها كمية جبن طري ونخلطها مليح ثم كمية من الجبن المبشور ونخلط ثم نفرغ كمية من الزيتون الاخضر مقطع وكمية من الماييس

الخطوة التالية نفرغ التونة ونخلط الكريمة مليح ونبدا تحشي ليكورني تاعي مليح

فالاخير نزينها بجبن مبشور يصلحو مع الشربة او حساء الخضر