نبدا بسم الله ونحضرالمرق نحط نصف صدر دجاج ونضيف عليه البصل والثوم مرحيين ونحط الملح والفلفل الاسود والزنجبيل والكركم والمعدنوس ونحط الزيت ونحط الطنجرة عالنار تتقلى ثم نضيف الزيتون ونقلي مليح ونمرق ونخلي الصدر يطيب

بعد طابلي صدر الدجاج نحطو في صحن ونخليه يبرد ثم نقوم بتفتيته ثم نرحيه فالاشوار

بعد ذلك نضيف عليه معدنوس مقطع و2حبات بيض ونخلطو ثم نضيف عليه فنجان من المرق تاعي ونخلط مليح ثم نجيب مول يدخل الفرن ندهنو بالزيت ونفرغ الخليط تاعي ونسويه مليح ونخليه شوي خشين

الخطوة التالية نشعل الفرن ونحط الخليط تاعي يطيب من تحت ثم نشعلو من فوق يتحمر ونحضر الطبقة الثانية نجيب صحن نحط فيه نصف كاس كرام فراش وقطعة جبن طري ونخلط مليح

نفرغ الخليط فوق طبقة الدجاج ونسويها مليح ثم نخليها تجمد شويا ونجيب اي طابع متوفر عندك انا طبعتهم بطابع قلب حتى نكمل كامل الكمية

نجيب جبن شرائح ونقطعو بنفس الطابع ونحطها فوق كل قلب حتى نكمل ونحطهم فالفرن يتماسك الجبن شرائح ونخرجهم ونحطهم في صحن التقديم

فالاخير نسخن المرق تاعي في صحن التقديم مع طاجين الجبن ونزينو بزيتون وشرائح ليمون جاء بزاااااف بنين