نبدا بسم الله ونقطع كل من البطاطا والكورجات الى مربعات صغيرة ثم نقطع الفلفل الحلو والفلفل الحار ونقص حبة البصل الى قطع صغيرة ثم نوجد ملكة التوابل في صحن نحط م ص عكري حلو وم ص كركم وم ص توابل الدجاج وم ص كاري الدجاج وم ص زنجبيل

نجيب سينية فرن ندهنها بالزبدة مليح ثم نبدا نفرغ فالخضروات تاعي كل خضر على جنب ثم نقطع ربع صدر دجاج الى قطع صغار ونحط على جنب ونحط 4م ك زيت ونحط مربعات الطماطم على جنب ثم نفرغ التوابل فوق خليط الخضروات ونحط م ك طماطم مصبرة ونجيب كاس ماء نفرغو تدريجيا غالخضر و نبدا نخلط مليح شحال من مرا ثم نحط من فوق قطع من الزبدة

نجيب ورق الطهي نشمخو فالماء مليح ثم نغطي السينية مليح ونجيب ورق الالمنيوم ونغطي بيها من فوق ونخلي السينية حوالي ساعة حتى تمتص مليح التوابل ثم بعد مرور الساعة نشعل الفرن وندخلها تطيب حوالي ساعة

بعد ماطابت تخرجنا من الفرن ونحب ورق الدهب وورق الالمنيوم ونكسر عليها حبة بيض اختياري ونشعللها من فوق ونخليها تتحمر ثم نطفي عليها النار ونخرجها من الفرن

الشكل النهائي لسينية الخضروات جات بزاااااف بنينة