نبدا بسم الله ونحضر المرق نحط نصف حبة بصل مرحية وسنان ثوم وقطع لحم ثم نحط م ك زيت ونحط الملح والفلفل الاسود والكركم ونحطها تتقلى ثم نضيف م ك فرينة والخمص ونخلط مليح حتى يتقلى الكل مليح ثم نجيب مقلاة نحطها فيها م ك زيت ونحطها عالنار ثم نضيف نصف حبة بصل وسنةثوم مرحية ونقلي مليح ثم نضيف اللحم المفروم

نمرق المرقة بالماء ونغلق ونخليها تطيب مليح ونرجع للحم تاعي نبقا نحل فيه مليح حتى يطيب نحيه من النار ونضيفلة ربطة معدنوس مقطعة وحبة جبن نمعسها مليح

ثم نضيف 2م ك بالغراف مش ملعقة الاكل ونخلط مليح ثم نضيف 2حبات بيض ونخلط حتى نتحصل على خليط

نجيب مول يدخل الفرن ندهنو بالزبدة ونفرغ خليط اللحم فيه ونحط فوقو جبن مبشور وندخلو الفرن يكون مسخن مسبقا حتى ينشف من تحت ثم نشعلو من فوق يتحمر ونرجع المرق نفتح عليه ونضيفو فلفل حار ونخلي المرق يثقال ونطفي النار عليه

فالاخير نرجع نقص قطع اللحم تاعي الى مربعات ونجيب صحن التقديم نحط فالوسط الحمص وكمية من المرق ونحط قطع المغدنوسبة على جنب و قطع الدجاج من فوق جاء بزااااف بنينة