عجوه (تمر) بالسمسم 😋
مصنوعه في البيت وطبيعيه
إفتح في تطبيق كوكبادالخطوات
- 1
نجيب صينية كبيره زي صواني العشا كبيره حسب كمية البلح المراد عملها عجوه (تمر) انا عملت حوال ٣ كيلو بلح اواكتر شويه
- 2
بنجيب البلح يكون مستوي كويس نقشره ونشيل منه النواه ونجيب الصينية ونرتب البلح عليها بس نخلي قلب البلحه هوا اللي من فوق مش الضهر زي الصوره كده ولما نخلص رص نجيب اي حاجه خفيفه زي عمه أو شاشه كبيره المهم حاجه تهوي وتحمي من التراب
- 3
بعد لما نخلص كل البلح ونغطيه كويس نسيبه في الشمس من ٣ إلى ٤ ايام حسب ما البلح ينشف ويبقى ماسك نفسه ودي اهم حاجه عشان نضمن أن العجوه بعد كده مهما قعدت تفضل حلوه وما تحمضش
- 4
بعد مرور الأيام ويكون البلح نشف نلمه كله ويفضل يكون لسه محتفظ بسخونة الشمس أو يتجمع في أي حاجه ممكن تدخل الفرن عشان هنحتاح ده بعدين
- 5
لو عندك بقه مكنة فرم زي بتاعة اللحوم أو ماكينة بسكوت اي حاجه نفرم البلح فيها انا استعملت مكنة البسكوت اليدويه واحبه حبة بدأت افرم اهم حاجه يكون البلح دافي شويه عشان يكون سهل الفرم يا اما نشغل فرن البوتجاز شويه وندخل البلح في ١٠ دقائق ونطفي ونخلي البلح في وناخد على قد الفرم كل مره
- 6
ولحد لما نخلص كل الكمية وتبقي بالشكل ده نأخذ منها على قد الحجم اللي عوزينه نعمله مدور أو اي شكل
- 7
بعد كده نأخذ حتى حتى ونعجنها زي العجين ونشكلها حسب الرغبة ونغلفها بالسمسم من بره وهي لسه طريه وهكذا لحد لما كل البلح المفروم يبقى متشكل
- 8
عشان نحفظها بقه نجيب كياس تخزين ونغلف كل قالب لوحده بيه وممكن نخليها بره لو الجو مش حر عادي بس انا بسبها ترتاح يوم في الثلاجه وبعد كده بحفظها في الفريزر واطلعها تفك عادي حسب الاستخدام أو في الميكروويف
- 9
وبس كده بالف هنا ♥️
كلمات ذات صلة
وصفات مشابهة
وصفات ننصحك بمشاهدتها
التعليقات