مورقة محشية
إفتح في تطبيق كوكبادالخطوات
- 1
نبدا بسم الله ونحضر العجينة نجيب قصعة كبيرة نحط فيها 3كيسان سميد ارطب توعية ممتازة معاها 3كيسان فرينة وم ك ملح ونحط عليهم م ك ونصف سكر ونخلط مليح الفرينةمع السمد ونبدا نضيف فالماء بنفس الكاس حتى تتلم العجينة وتكون طرية انا اخدتلي 4كيسان ماء نلمها ونخليها ربع ساعة
- 2
نرجع نوجد الخضروات والحشو تاعي نقطع 2حبات بصل ونبرش الجزر والجريوات والفلفل الحلو ونقطع الفلفل الحار
- 3
بعد مرور ربع ساعة ندلك العجينة حوالي 10د وندهنها بشويا زيت ونلمها ونغطيها نخليها ترتاح من ساعة الى اكثر قد مارتاحت تعطيك نتيجة احسن
- 4
نجيب مقلاة نحط فيها 4م ك زيت ونحطها عالنار ونحط البصل تاعي يتقلى ونضيف عليه الجزر والجريوات والفلفل الحار والحلو نوجد ربع صدر دجاج مرحي
- 5
بعد ماتقلاو الخضر مليح نضيف حبة طماطم مرحية ونحط م ص ملح ونضيف عليها م ص فلفل اسود وم ص راس الحانوت وم عكري حلو ونقلي مليح ونضيف الدجاج على جنب ونبقا نخلط فيه مليح مع الخضر حتى يندمج معاهم ونغطيهم ونخليهم يطيبو
- 6
بعد مرور ساعتين على العجينة نشكلها الى كرات انا عطاتني 18كرية نغطيهم بورق شفاف ونخليهم يرتاحو 10د وبعد ذلك نوجد زيت في صحن ونبدا ندهن الزيت على سطح العمل ونحل الكرة الاولى رقيقة
- 7
نحط على العجينة كمية من الحشو ونحط قطع جبن وجبن مبشور اختياري ونقطع بسكين كيما فالصورة ونبدا نغلق بالجزء على الحشو حتى نغطيه كامل
- 8
نرجع نحل كريية ثانية بنفس الطريقة ونحط الكرة الاولى المحشية ونقصها بنفس الطريقة ونغلق عليها كيما فالصورة ونحتفظ بيهم على جنب حتى نكمل كامل الكرات ونغطيهم بورق شفاف
- 9
نجيب مقلاة ندهنها زبدة ونحطها عالنار ونجيب ورق طهي نحل عليها الكرة المحشية رقيقة ونحطها فالمقلاة تطيب
- 10
نقلبها عالجهة الاخرى حتى تتحمر وتطيب مليح ونحيها ونحطها على ورق شفاف حتى نكمل كامل الكرات جات بزااااف بنينة ومورقة
الكوكسناب
Keywords
وصفات مشابهة
وصفات ننصحك بمشاهدتها
التعليقات (2)