نبدا بسم الله ونجيب ريسبسيون نحط فيها 4بيض ورشة ملح ونحط عليهم كاس سكر ونبدا نخلط حتى يبياض الخليط ثم نحط كاس زيت ونواصل الخلط ثم نضيف نصف كاس نشاء ونخلط

نضيف الفرينة وخميرة الحلوى ونخلط حتى تتلم العجينة نغطيها ونخليها ترتاح ثم نجيب ورق طهي ونحط العجينة ونحلها ونطبعها باي طابع حتى نكمل العجينة ونحطها في سينية مدهونة بقليل من الزيت

نديهم حبات الحلوى بالبيض مخلط مع قليل من القهوة ونطلي الحبات كاملة ثم نحط فوقهم حلوى فارميسال ملونة ونشعل الفرن وندخلهم يطيبو من تحت ثم نشعل لهم من فوق يأخذو اللون الذهبي

فالاخير شكل حبات الطورنو جات بزاااااف خفيفة تقدم مع فطور الصباح