نبدا بسم الله ونجيب 3حبات كبار من الطماطم مغسلهم مليح ونقطعهم ونحطهم في كسرونة ونحضرهم كصلصة طماطم بعد ماطابت رحيتها ونحتفط بيها

نجيب رجل العجينة نقسمو ال قسمين متساويين ونرش سطح العمل بالفرينة ونحل الجزء الاول مليح

نجيب سينية فرن نحط فيها الجزء الاول من العجينة نشويه مليح فالسينية نفرغ عليه كمية من الصلصة

بعد ذلك نحط كمية مليحة من الجبن الطري والزيتون الاخضر شرائح ونحط معدنوس مقطع وقطعة صدر دجاج طايبة نفتتها ونحط جبن مبشور بعد ذلك نحل العجينة الثانية بنفس الطريقةونحطها فوق الحشو نسويها مليح ونقطع الزوائد ونقطعها الى مربعات

بعد ذلك نجيب صفار بيضة وندهن وجه الكوكا ونزينها زيتون اسود نشعل الفرن وندخل السينية تطيب من تحت كي تتحمر عالجوانب نشعل لها من فوق حتى تأخذ لون ذهبي ونخرجها ونخليها تبرد

فالاخير نقطع حبات الكوكا ونقدمهم في صحن التقديم مع حساء او شربة