إفتح في تطبيق كوكبادالخطوات
- 1
بالطنجره بنضيف شوي زيت بعدين بنضيف البصل والمطيبات الخشنه بنقلبهم سوا وبعدها الدجاج وبنتركهم لما يتغير لون الدجاج يوخذ لون خفيف
- 2
بعدها بنضيف ماء مغلية تغمر الدجاج وبنسحب الزفره اللي على الوجه وبنضيف البهارات المطحونة والماجي وبنغطي وبنتكره يستوي ٤٠ دقيقة اخر اشي الملح
- 3
بطنجره ثانية بنضيف كمية زيت وبصل مفروم ناعم بعدها الفول الاخضر بنقلبه كويس لما يتذبل بنضيف كمون وكزبره خضرا ومن مرقة الدجاج كوب وبنغطي حتى يستوي
- 4
الدجاج بنصفي مرقته وبخليه على جنب برش عليه شوي من البهارات المطحونة وبقليه بزيت غزير يوخذ لون تحمير
- 5
طبعاً بنكون ناقعين الرز ومغسلينه
بعدها بنضيف الدجاج فوق الفول وبعدين الرز واخر شي ماء مرق الدجاج ونتركه على نار عاليه حتى تتشرب الرز واخر شي على نار هادئة لما يستوي الرز وصحتين - 6
ملاحظة في طريقتين للفول كيف بتحبوه أنا بساويهم الثنتين حسب ما بتكون حابين والطريقتين طيبات
الطريقه الاولى اللي كتبتها والطريقه الثانيةبنقلي الفول بزيت غزير بعد ما ينشف ويتصفى منيح وبس نطلعه من الزيت بضيف الكزبره الخضرا عليه.
كلمات ذات صلة
وصفات مشابهة
وصفات ننصحك بمشاهدتها
التعليقات