نبدا بسم الله ونجيب ريسبسيون نحط فيها 2بيض مع رشة ملح وم ص فانيلا وكاس سكر ونخفق بالخلاط كهربايي حتى يبياض الخليط ثم نضيف نصف كاس زيت ونواصل الخفق

نبدا نضيف كاس حليب ونخفق ثم نغربل 3 م ك كاكاو بني ونخلط مليح

بعد ذلك نضيف كاس فرينة مع كيس ونصف خميرة الحلوى ونخفق ثم نكمل الكاس المتبقي ونخلط مليح

بعد ماتخلطت مليح نجيب مولد ندهنو بالزبدة ونرشو بالفرينة ونفرغ الخليط تاعي ثم نشعل الفرن يسخن وندخل المسكوتشو تطيب من تحت ثم نشعللها من فوق

بعد ماطابت تخرجها من الفرن ونقلبها مباشرة في صحن ثم نجيب كسرونة نحط فيها 2م ك نوتيلا وم ك زيت ونحطها فالنار

نبدا نزين المسكوتشو بخطوط رقيقة كما فالصورة والجنب الاخر نطلي الشكولا بالفرشاة ونزينها بلوز ايفيلي محمص

فالاخير نزين المسكوتشو بورد الشوش وخطوط شكولا