نبدا بسم الله ونجيب ريسبسيون زجاجي نحط فيه 2بيض مع رشة ملح نخفق قليلا ثم نضيف 12م ك سكر عادي ونخفق مليح حتى يبياض الخليط ثم نضيف 12 م ك زيت ونواصل الخلط مليح

بعد ماضفت. الزيت ونخلطت مليح نضيف 12م م حليب دافئ ونواصل الخلط

بعد ماخلطت الكل مليح نضيف 12م ك فرينة وكيس خميرة الحلوى ونواصل الخلط حتى تندمج الفرينة مع السوائل ثم نضيف م ك كابريس كاراميل ذايبة ونخلطها مليح ثم نجيب سينية فرن ندهنها بالزيدة ونرشها بالفرينة ونفرغ الخليط تاعي ونسويه مليح ونشعل الفرن يسخن ونحط. يطيب من تحت ثم نشعلو من فوق

شكل الكيك تاعي بعد ماخرجتو من الفرن نخليه يبرد تماما جيدا ونرجع نحضر الڨلاساح نجيب ريسبسيون نحط فيها علبة دانيت شكولا وعلبة الاربع كرام شانتي

نبدا نخفق فالدانيت والشانتي حتى تطلع مليح ونحطها فالثلاجة بعد مابردت الكيكة تماما نجيب سباتيلا ونفرغ الكريمة فوق الكيك ونسويها مليح ثم نجيب م ك شكولا طلي نضيفلها م ك زيت ونخلطها مليح ونجيب كيس حلواني نفرغ فيه الشكولا ونشكل خطوط رقيقة فوق الكيك

المرحلة الاخيرة نجيب عود أسنان ونشكل خطوط من خطوط المليفاي كيما موضحة فالصورة ونحطها تبرد ثم نقطعها الى مربعات ونقدمها مع قهوة العصر

الشكل النهائي لكيكة دوز دوز جات بزاف خفيفة وبنينة