نبدا بسم الله ونجيب الخضار نغسلها مليح ونقشر البطاطا ونقطعها مربعات ونجيب مقلاة نحط فيها كمية مليحة من الزيت ونحطها عالنار تسخن مليح ثم نضيف عليها البطاطا

نرجع الفلفل نقطعو رقيق والكوسا كذلك وبعد ماقليت البطاطا نقص كمية الزيت وفي نفس المقلاة نحط الكوسا والفلفل المقطع ونقص النار و نخليهم يذبالو مليح

بعد ذلك نرحي حبات الطماطم ثم نضيف عالمقلاة الثوم بودرة والفلفل الاسود والعكري الحلو والمعدنوس المقطع والملح

نضيف الطماطم المرحية عالخليط ونقلي الكل مع بعض مليح ثم نجيب مول يدخل الفرن ندهنو بالزبدة ثم نفرغ فالاول كمية من البطاطا المقلية ثم نفرغ الحشو تاع الفلفل والكوسا ثم نضيف جبن طري

بعد ذلك نجيب صحن نحط فيه البيض وكاس حليب والمعدنوس المقطع ونخلطو مليح ثم نضيف جبن طري نخلط الكل مليح ثم نفرغو فوق الڨراتان تاعي ونشعل الفرن وندخلو يطيب من تحت ثم نشعلو من فوق يتحمر مليح ونخرجو

فالاخير شكل الڨراتان تاعي جاء بزاااف بنين وخفيف نقطعو بسباتيلا ونحط. في صحن يقدم مع حساء وحسرة خميرة