نبدا بسم الله ونجيب طنجرة نحط فيها قطع دجاج ونضيف عليهم بصلة مرحية وسنات ثوم مرحيين ونحط ملح وفلفل اسود وعكري حلو وزنجبيل وم ك زيت ونحطها عالنار ثم نقطع الزيتون الى شرائح رقيقة والجزر الى قطع صغيرة

نقلي المرق مليح ونحط الطماطم ونبقا نقلي ثم نمرق بالماء ونخليه يطيب ونرجع نوجد كاس رز ونصف كاس شعيرية

بعد ماطابلي المرق نخرج الدجاج ونخلي المرق يثقال ونطفي النار عليه ثم ترجع نجيب مقلاة نحط فيها م ك زبدة ونحطها عالنار نخليها تذوب ونحط الشعيرية تتحدث مليح

بعد ذلك نغسل الأرز ونضيفلو على الشعيرية فالمقلاة ونحمصهم ونمرق بالماء ونخلي الأرز والشعيرية يطيبو

بعد ماطابو مليح نصفيهم في كسكاس ونخليهم لوقت التقديم ونرجع نحمر قطع الدجاج في مقلاة ونرجع نحط م ك زبدة ونحطها تذوب ونحط الأرز والشعيرية ونبدا نفرغ عليهم فالمرق تدريجيا حتى تشربوه مليح

فالاخير نجيب طبق تقديم نفرغ فيه الأرز بالشعيرية ونزينو بقطع دجاج محمرة وفالوسط زرودية وزيتون