حلوى الكاستال
إفتح في تطبيق كوكبادالخطوات
- 1
نبدا بسم الله ونجيب ريسبسيون نحط فيها بياض البيض مع رشة ملح نخفق شوي ثم نحط عليه 30غ سكر عادي (م ك سكر تكون مملؤة مليح) حتى يبياض الخليط ويرجع ميرانغ
- 2
نرجع نحط في لاشوار 75 كاوكاو محمص ومرحي رقيق مع 75 غ سكر ناعم وم ص فانيلا و30غ فرينة ونعاود نرحي المكونات مع بعض ونبدا نضيف فيهم على خليط البياض على دفعات حتى نكمل
- 3
نجيب سينة فرن نحط عليها ورق طهي ونفرغ خليط الكاستال ونسويه مليح ويكون الفرن سخون من قبل نحطو يطيب مدة 10د ونرجع نحضر الكريمة نحط في ريسبسيون 3صفار بيض و30 غ سكر عادي
- 4
نحط خليط الصفار البيض على حمام مائي ونبقا نخلط فيه حتى يذوبلي السكر تماما هنا نكون عقمت الصفار تاعي من جهة اخرى نحط 200غ زبدة وفانيلا ونخلط مليح بالخلاط الكهربائي
- 5
نضيف عالزبدة 120غ شكولا الطلي ونخلط مليح ونحط الصفار يبرد شويا
- 6
نبدا نضيف صفار البيض على دفعات ونخلط مليح مدة 5د بعد ماطاب الكاستال نخرجو ونخليه يبرد على طرشونة ونحي ورق الطهي ونقسمو على 2 قطع متساويين ونحط الطبقة الاولى فوق طاولة ونشربها بقهوة طايبة
- 7
بعد ذلك نضيف طبقة من الكريمة ونسويها مليح ثم نحط الطبقة الثانية من الكاستال ونكمل باقي الكريمة ونسويها بسباتيلا مليح ثم نحط كمية من الكاوكاو محمص ومرحي خشين ونضغط عليه حتى يلصق فالكريمة وندخلو المجمد حوالي 10د ونخرجو
- 8
بعد ماخرجتو من المجمد نقسمو الى نصفين ثم نقسم الى مستطيلات او مربعات حسب الرغبة ونرجعهم الثلاحة ثم نخرجهم ونجيب سكر ناعم ونجيب كوبات نحطها عالنص ونحط في صفاية سكر ناعم ونرش على نصف الحبة
- 9
بعد ماكملت السكر الناعم نجيب صفاية اخرى نحط فيها كاكاو بني ونرش الجهة الاخرى من حبة الكاستال كيما فالصورة
- 10
فالاخير نزين حبات الكاستال بقطع من عجينة الكاستال فالوسط او نزين حبات لوز(وصفة الكاستال وصفة من قناة مطبخ هيلدا وصفة جديدة)
الكوكسناب
Keywords
وصفات مشابهة
وصفات ننصحك بمشاهدتها
التعليقات (2)