نبدأ بسم الله ونجيب قطع غنمي تغسلهم مليح ونجيب مقلاة نحط فيها قليل من الزيت ونحطها على النار ونحط القطع تتحمر من برا فقط على نار عالية

نجيب طنجرو ضغط نحط فيها ما ك زبدة ونحطها على النار ونضيف عليها قطع اللحم ونضيف 3سنات ثوم مبروشين ونحط الملح

نحط الفلفل الاسود والعكري الحلو والكركم والكمون وراس الحانوت و2 ما ك زيت وربع كاس ماء وعصير نصف حبة ليمون نقلي مليح مدة 10 دقائق

نغلق طنجرة الضغط ونخلي النار هادئة ونخليها تطيب اي تستوي بعد مرور حوالى ساعة الاربع نحل الطنجرة نلقا اللحم تاعي طايب زبدة نقلبو على الجهة الاخرى يتحمر دون مانغلق الطنجرة ونجيب نفس المقلاة نحط فيها ما ك زبدة ونحط 3سنات ثوم مبروشين ونحط معدنوس مقطع وفلفل اسود وعكري حلو ونقص النار عليها

بعد ذلك نحضر البطاطا والكوسة المقليين نقطع 3حبات بطاطا ونقليها في الزيت ثم الكوسة الى دوائر

بعد ماقليت البطاطا والكوسة نجيب صحن التقديم نحط البطاطا والكوسة على جنب ثم نفتح طنجرة الضغط ونحط قطع اللحم فالجنب الاخر ونفرغ صلصة الثوم والمعدنوس على اللحم

فالاخير شكل الطبق تاعي جاء اللحم طايب زبدة وبنين بزاف