نبدأ بسم الله ونجيب ريسبسيون نحط فيها كاس ماء دافئ ونصف كاس حليب دافئ وم ك خميرة الخبز وم ك سكر نخلطهم مليح ونغطي عليهم مدة 10 دقائق

بعد مرور 10 دقائق نفتح الغلاف الشفاف ونحط 4م ك زيت وبياض بيضة ونخلط مليح ثم نجيب فرينة القمح الكامل انا المرة هذي حبيت نبدل من الفرينة البيضا الى فرينة اكثر صحية فرينة القمح الكامل

نبدأ باضافة الفرينة تدريجيا مع ما ص ملح ونلم حتى نتحصل على عجينة طرية نوعا ما نحطها فوق سطح العمل ونضيفلها ما ك زبدة ونحاول ندخل الزبدة مليح في العجينة

نغطي العجينة بورق شفاف ونخليها تختمر بعد ما اختمرت مليح نهبطلها الخمور ونشكلها كرات صغار

نغطيهم بورق شفاف ثم نبدأ نحل بالكرة نرش سطح العمل بالفرينة ونبدا نحل بالكرة ونحط في صينية مرشوشة بالفرينةنخليهم يختمرو

نجيب صفار بيضة نضيفلها شوي حليب وندهن كامل الحبات ونزينها بزيتون اسود مقطع شرائح كيما اي مثل في الصورة ونشعل الفرن ونحطهم يطيبو من تحت ثم نشعل لهم يتحمرو من فوق

فالاخير شكل الخبيزات تاعي جاو بزاف خفاف وصحيين اكثر لان الفرينة كاملة