نبدا بسم الله ونجيب ريسبسيون نحط فيها كاس ماء دافئ وكاس الا ربع سكر ونخلط بالفووي اليدوي مليح ثم نحط م ك فانيلا و6م ك زيت ونواصل الخلط مليح ثم نبدا باضافة كاس فرينة فالاول ثم النصف الاخر ونخلط

بعد ماخلطت مليح نحط م ك شكولا الطلي ونخلط جيدا ثم نحط 3م ك كاكاو وكيس خميرة الحلوى ونخلط جيدا حتى نتحصل على خليط خفيف

نجيب سينية فرن ندهنها بالزبدة ونرشها بالفرينة ونفرغ الخليط تاعي ثم نسويه مليح ثم نشعل الفرن يسخن وندخلو يطيب من تحت ثم نشعل عليه من فوق ونجيب ريسبسيون نحط فيها كاس كرام شانتي مع تقريبا كاس الا ربع ماء بارد جدا ونخفق بالخلاط الكهربائي حتى يثقال الخليط

ندخل الشانتي الثلاجة ونخليها حتى يطيب الكيك تاعي بعد ماطابلي نخرجو ونقلبو مباشرة في سينة اخرى او مشبك

نقسم الكيك تاعي الى قسمين متساويين ثم نحط الجزء الاول في صحن ونشربو بنسكافي مذابة فالماء ثم نحط طبقة من الكرام شانتي

نسوي الشانتي مليح ثم نحط الجزء الثاني ونضغط عليه مليح ونشربو كذلك ثم نحط باقي كيما الشانتي ونسويها مليح بسباتيلا ونحطو فالمجمد مدة ساعة حتى يتماسك مليح

بعد مامرت ساعة نخرجو من المجمد ونقسمو الى قطع متساوية ثم نحضر صلصة الشكولا نذوب 100غ شكولا سوداء مع نصف كاس حليب وم ك زبدة على حمام مائي ونغطي حبات الباتسري بالصلصة ونخليها تجمد

فالاخير نزينهابحبيبات شكولا وورد الشوش ونحطها في ورق ذهبي