نبدأ بسم الله ونجيب طنجرة نحط فيها قطع دجاج ونضيف عليهم حبة بصل مقطعة شرائح وحبة جزر مقطعة ونحط ملح وفلفل اسود وزنجبيل وكركم وم ك زيت ونحطها على النار تتقلى مليح ثم نمرق بماء

نجيب كاس ارز بسمتي نغسلو مليح ونشمخو في ماء ساخن ونخليه حتى يطيب المرق بعد ماطاب المرق نحب اللحم على جنب نحطو في صحن ونحمرو من بعد ونطفي عالمرق

نجيب طنجرة اخرى نحط فيها ما ك زبدة ونحط نصف كاس شعيرية او فارميسال ونحمصها مليح ونحط عليها الأرز تاعي بعد مانشلو من الماء ونخليه يتقلى معاها

نضيف على الارز 2كاس من المرق ونغطيه عليه بورق المنيوم ونغطي بغطاء الكسرونة ونخليه يتشربو كامل المرق حتى يطيب

بعد ماطاب نطفي عليه ونخليه مغطي وكمية المرق لي بقات نرحيها بالبرا مكسار ونتحصل على صلصة بلون الجزر

أخيرا نجيب مقلاة ونحط فيها 2م ك زيت ونحطها على النار ونحمر قطع الدجاج ثم نجيب مول موسكوتشو ونفرغ فيه كمية الأرز ونسويها مليح ثم نجيب صحن تقديم ونقلب فيه المول

فالاخير نحط قطع الدجاج على جنب ونفرغ في الوسط كمية الصلصة ونحط عالجوانب كذلك ونقدمو جاء بزاف بنين