نبدا بسم الله ونجيب ريسبسيون نحط فيه 2كاس فرينة مملوئين جيدا ثم نحط م ك سكر وم ك خميرة الخبز وم ص ملح ونخلط ثم نضيف ربع كاس زيت ونخلط مليح ثم نبدا نضيف في كاس الحليب دافئ تدريجيا ثم نضيف بياض بيضة ونخلط مليح

نتحصل على عجينة طرية نغطيها ونخليها تختمر مليح بعد الاختمار نحطها على سطح العمل نعجنها قليلا ثم نقسمها الى 9قطع

نكشل العجينة الى كرات متساوية وكل كرة نحشيها جبن مثلثات ونرجع نشكلها كرات و نحطهم فوق ورق الطبخ ونخليهم يختمرو مليح ثم ندهن الحبات بصفار البيض ونحط حبات زيتون اسود واخضر ثم نحط كمية من جبن المبشور

نشعل الفرن يسخن وندخل المملحات يطيبو من تحت ثم نشعل لهم من فوق يتحمرو ونخرجهم ونغطيهم مباشرة بطرشونة ونخليهم يبردو

فالاخير نقدم مملحات الجبن كعشاء خفيف مع حساء الخضار