نبدا بسم الله ونجيب حفنة واسعة نحط فيها 3بيض مع رشة ملح وم ك فانيلا وكاس سكر ونخلط مليح ثم نضيف كاس زيت تدريجيا ونواصل الخلط

فانتيا نضيف م ك شكولا الطلي ونخلطها مليح مع الخليط ثم نحط 2م ك نشاء ونخلط ثم نبدا نحط فالفرينة بالكاس مع 2كيس خميرة الحلوى

نلم العجينة مليح ونتحصل على عجينة سائلة كنا فالصورة ونجيب سينية فرن ندهنها بالزيت ونرشها بالفرينة ثم نفرغ خليط العجينة

نبلل يدي بشوي زيت ونبدا نسوي العجينة تاعي على كامل السينية ثم نسويها مليح بالملعقة ثم نشعل الفرن يسخن وندخلها تطيب من تحت ثم نشعللها تتحمر من فوق دون مانفتح عليها الفرن كي تكون تطيب من تحت ثم نخرجها ونخليها تبرد ثم نجيب اي نوع من المعجون ونطلي الحلوى تاعي كاملة انا حطيت معجون العنب

نجيب سكين ونقطع الحواف تاع الحلوى ثم نفتتهم ونحطها فوق طبقة المعجون

بعد ماتبرد تماما الحلوى تاعي نقطعها الى مربعات

فالاخير نحطها في صحن التقديم ونقدمها لفطور الصباح او قهوة العصر