نبدا بسم الله ونحضر الطبقة الاولى نجيب ريسبسيون نحط فيها حبة بيض مع رشة ملح وربع كاس سكر ونخلط بالفوي اليدوي مليح ثم نضيف ربع كاس زيت ونواصل الخلط

ثم نضيف نصف كاس حليب دافئ ونواصل الخلط ثم نجيب اكثر قليلا من نصف كاس فرينة وم ك كاكاو بني وم ص خميرة الحلوى

نخلط النواشف تاعي مليح ثم نجيب مول يدخل الفرن مقاسو 25/25وندخلو يطيب فرن مسخن مسبقا يطيب حوالي 10د لا اكثر ونجيب كسرونة نحط فيها 3كاس حليب

نحط 3كاس حليب وعلبة فلان كاراميل و2م ك سكر و3م ك يكون مملؤين مليح نشاء ونخلط بارد في بارد ونضيف م ك عطر الكراميل ونحط الكريمة على نار هادئة تطيب

بعد ماطاب البسكوي نخرجو يبرد تماما وتكون الكريمة ثقالت نطفي عليها النار

نجيب ملعقة اكل ونحطها تحت الكسرونة ونفرغ الخليط فوق البسكوي حتى نكملو ثم نسويه مليح بالملعقة وندخلو الثلاجة يبرد ويتماسك مليح

نجيب كسرونة نحضر فيها ديقوجال منزلي نحط كاس سكر عالنار ونجيب كاس ماء بين الدافئ والساخن ونحط فيه م ك نشاء ونخلط مليح حتى يذوب فالماء

بعد ماذاب السكر ورجعلي كاراميل نفرغ عليه خليط الماء والنشاء ونخلط مليح حتى يرجع يذوب ونفرغو مباشرة في صحن ونخليه يبرد

بعد ذلك ضفتلو م ك عطر الكراميل لتعزيز الذوق ونخرج الفلان من الثلاجة ونفرغ عليه الديقوجال ونسويه مليح بالملعقة ونرجعو الثلاجة يتماسك

نخرج فلان المقاهي ونقسو ال مربعات ونزينو بلوز ايفيلي ونقعطو وهذا شكلو

الشكل النهائي لي فلان المقاهي جاء بزاف بنين والوصفة عملت ضجة كبيرة في مواقع التواصل الاجتماعي