نبدا بسم الله ونجيب ريسبسيون نحط فيه كاس ماء مع م ص ملح والزيت ونخلط مليح ثم نضيف 4كاس فرينة ونخلط العجينة انا خصني الماء زدت القليل ولميت العجينة تاعي

نحطها على طاولة العمل وندلكها حوالي 5د ونغطيها بورق شفاف ونخليها ترتاح حوالي نصف ساعة ثم نجيب 500غ زبدة توريق نأخذ منها 300غ ثم نجيب ورق طهي

نحط الزبدة فوق ورق الطهي ونغطي بورق اخرى ونجيب خلال ونحل الزبدة تاعي على شكل مستطيل ثم نرجع العجينة نرش طاولة العمل بالفرينة ونحط العجينة ونبدا نحل فيها بالحلال شكل مستطيل

نرقق العجينة ثم نجيب زبدة التوريق ونحطها فوقها كما فالصورة ونغلق الطرفين بالزبدة ونقلبها الجهة الاخرى ونغلق مليح ونرقق العجينة ونمشي الزبدة مليح

نجيب سكين او جرارة قريوش نقطع بيها خط من الجهتين ونطوي كما فالصورة ونبقا نقطع ونطوي العجينة كما هو موضح حتى نكمل ونقطع العجينة الزائدة

نتحصل فالاخير على هذا الشكل نغلقو مليح ونقعطو الى 2قسم وبشكل التوريق باين فالعجينة دون تعب

فالاخير نجيب ورق شفاف ونغطي العجينة المورقة وندخلها الثلاجة لوقت نحضر بيها الى وصفة