نبدأ بسم الله ونغسل الخضروات والدجاج ثم نقطع الجريوات الى قطع صغيرة ثم البصل الى شرائح

نجيب مقلاة نحط فيها 2م ك زيت ونحطها على النار ثم نضيف البصل شرائح ونزيد نحط الفلفل الحلو والحار الى شرائح

بعد ذلك نقطع حبات الطماطم الي شرائح ثم نحط ما ص طماطم مصبرة ونضيف الملح والعكري الخبز والفلفل الاسود وراس الحانوت وسنات الثوم مرحيين نقلي مليح ونغطي عليها ونخليها تطيب اي تستوي دون إضافة الماء

بعد ذلك نجيب مقلاة اخرى نحط فيها كمية من الزيت ونقلي البطاطا فالاول ونحطها في صحن

نقطع كذلك الدجاج الى قطع رقيقة ونقليه هو كذلك والجريوات ايضا ثم نجيب وعاء واسع نفرغ فيه الشكشوكة بعد ماطابت

ثم نفرغ البطاطا والجريوات والدجاج ثم نضيف عليهم حبة البيض ثم بياض بيضة ونخلط مليح ونجيب مول زجاجي يدخل الفرن ونفرغ الخليط فيه ونسويه مليح ثم نحط صغار بيضة من فوق وكمية من الجبن المبشور وقطعة جبن شرائح ونشعل الفرن يسخن وندخلو يطيب البيض فقط ونخرجو

فالاخير شكل الشكشوكة تاعي جات بزاااف بنينة وممكن نقدر نحضرها حتى دون لحوم